.♡♥ باللهجة المصرية ♥ ♡.
•~~•
. 💓.
لعبــــــة
و ماشية من سنين
ناس كذّابين و ناس
مغشوشين.
الصحّ بكرة يكون غَلَط
و يغيّروا فِ القوانين.
من قَبل ما عشنا الألم
كنّا و لِسّه
غلطانين.
...
الوشوش هيّه الوشوش
ناس تخاف و ما تختشيش.
حكموا البلاد ظلموا العباد
واحنا غلابة عايزين نعيش.
وبُكرة حا يكون زيّ النهاردة
بنجري ورا لقمِة
العيش.
...
ونروح بلاد و نشوف عباد
فِ كلّ حاجة مرتاحين.
ولا ينحِنوا للّي حاكِمهم
ولا همُّهُم أيّ
زعيم.
بيروحوا فِ يوم الانتخابات
يختاروا منهم واد
فهيم.
...
وانا وانت بقينا متخيَّرين
بين الفساد والمفسدين.
ونِفرح يوم ما حصانّا يفوز
واحنا بنراهِن مش
داريين.
على روحنا و على عيالنا
واحنا بنسأل ليه
مظلومين؟!
...
لعبَة و ماشية من زمن
واحنا كُرة بين اللاعبين.
الحلّ واحد لَو نفوق
ونصون حياتنا لو
لاقيين.
الحِكمة و الحبّ كلّ الحكاية
ضاعوا فِ بلادنا من
سنين.
...
و بحبّك برضُه يا بلادي
و برجعلِك واموت فيكي.
مهما قسيتي عليَّ ف يوم
ما انا برضه ملك
إديكي.
لَكِن ياريت إحنا نكون
زيّ ماانا بحلم
بيكي
♡
♥♥
•••••••••••••
••••••••
••••
•
بقلــــمي
•
بقلــــمي
👈 عدنان خليفة 👉
ليست هناك تعليقات:
إرسال تعليق