حال الدنيا
عبدالمنعم عدلى..مصر
قول لى يادنيا
مالك كدة قاسية على
عملت فيك إيه
زعلانه إنى
عايش فيك
طب إرمينى
تحت ترابك
وأنا راض
ومستنى ميعادك
ولا ده كمان
هتعندى فيه
ليه يادنيا
القسوة ليه
كنت فاكر
حنيتك للكل
أتاريك بتصحبى
ناس وبتدوسى
على ناس
ليه يادنيا
ناسك قاسية
د أحلى مافيك الحب
وقلوب صافية
ولا الحب إتنسى
والقلوب أصبحت جاحدة
قول لى يادنيا
المر ليه فى
كأسك حنظل
وأمر منه ناسك
عملت فيك إيه
قول لى يادنيا
حالك كدة
ماله مايل
بتعذبينا ولا
مش عارفه تسعدينا
بتضحك علينا يادنيا
ماإحناعايشين فيك
حالك مايل
حالك معدول
برده راضيين بيك
وعايشين فيك
ليوم القبور
ومافى حد يواريك
بقلمى عبدالمنعم عدلى
ليست هناك تعليقات:
إرسال تعليق