#يا #بحر.......للشاعر المبدع..// نافدار_داغلي

 .♡♥ *يا بحـْــر* ♥ ♡.

•~~•
•  💓 •

  • 
يا بحر
 مين علمك .. تسمع شكاوينا ؟
مين علمك
 تصبر .. وتحس يوم بينا ؟
مين علمك 
يا بحر .. يسكن هواك فينا ؟

يابحر فيك
 سري .. وبحس فيك بأمان 
وان تاهت قلوبنا
 يا بحر .. على شطك العنوان
يا بحر فيك
 الموج .. كصرخة الانسان
والبحر لو 
هادي .. نودع الأحزان
ونعيش مع
 الذكرى .. ونداعب النسيان

على قد
 وسع البحر .. بلاقي حرية 
وبحس قرب
 البحر .. راحة وحنية
مين غيرك 
انت يا بحر .. يحس يوم بيا ؟
بيحس لما
 أفرح .. والفرحة مطوية
ويحس لو ببكي .. بدمعة مخفية

يا بحر صوت
 الموج .. هو صدى صوتي
جايز يكون
 صرخة .. مكتومة في سكوتي
جايز يكون
 دمعة .. تنزل في يوم موتي

يا بحر فيك
 أسرار .. عشاق وناس دايبة 
وقلوب كسرها
 الحب .. عشان قلوب خايبة
وناس بتبكي 
عشان .. واحشينها ناس غايبة
وقلوب ماليها
 ذنوب .. رجعت إليك تايبة

على قد 
وسع البحر .. بلاقي حرية 
وبحس قرب
 البحر .. راحة وحنية
مين غيرك انت
 يا بحر .. يحس يوم بيا ؟


                  *                  

. 💓.

  بقلــــمي

👈 #نافدار_داغلي  👉