حلمت بيكي
نفسي اقولك عن مشاعري
وعن حنيني
إن ابقي ليكي
غصب عني
قلبي حبك
غصب عني
حلمت بيكي
كنت اشوفك
من بعيد
كنت بتمل في عنيكي
والقي فيا الشوق يزيد
وإني نفسي أبوس إيديكي
كنت اخاف منك أقرب
تجرحيني وأنكسر
وإن حاولت منك أهرب
شوقي ليكي بينتصر
وارجع افكر وأحبك اكتر
واعرف إن انا كلي ليكي
حتي قلبي يقولي اصبر
مش هبيعك لاء شاريكي
غصب عني أصله حبك
غصب عني حلمت بيكي
================
انتي سامعه وحاسه بيا
ولا انا واهم في روحي
نفسي انتي تكوني ليا
يبقي حققت ف طموحي
مانتي حلمي في الحياه
والحياه تبقي انتي هي
واللي انتي مش عارفاه
من زمان سكنه فيا
دي الحقيقه ومش هخبي
ليه أخبي كتير عليكي
وكفاياني تعبت قلبي
اللي حلمه يبقي ليكي
غصب عنه اصله حبك
غصب عني حلمت بيكي
===============
🖋️بقلم الشاعر /أحمد طلبه
ليست هناك تعليقات:
إرسال تعليق