⭐حلمي قريب ⭐
**************
حلم اكيد اني اعيش
في الدنيا سعيد
اني اعيش في الدنيا
معاكم وتشاركوني
وقت الحزن ووقت
الفرحة ما اكونش وحيد
حلم اكيد اننا نفرح
زي زمان يوم العيد
ونرجع كلنا نشتري ،
نلبس لبس جديد
حلم اكيد .. اننا نرجع
صادقين نوفي بالمواعيد
اني الاقي قلوب كلها رقة
وبتتأثر وما نفرحش
بقلب حديد
اني الاقي ايمانكم راسخ
ان الله يفعل ما يريد
اننا نرجع تاني نراقب
ربنا عارفين انه شايفنا
واقرب لينا من حبل وريد
حلم اكيد نرجع نشتاق
ونحن لبعض زي زمان
مش قاعدين مع بعض
في مكان واحد بس بعيد
حلم اكيد نرجع ايد واحدة
ونغني لمصر احلي نشيد
ونبطل اسراف كلنا ونحا
فظ علي مواردنا بالترشيد
حلم انا والله شايفه قريب
حتي لو كلكوا شايفينه لسه
بعيد .. مش حلم بعيد !!!!!!
*******************
🖋️بقلم الشاعر /حمدينو الشهاوي
ليست هناك تعليقات:
إرسال تعليق