صقفوا يا ولاد
زغردوا يابنات.
اتفقنا لاول مره بحداره.
وخليكي يا فلسطين غريبه.
ماخلاص نقلنا السفاره.
مش القدس بقت يهوديه.
بكره هنتزف علي ضهر حماره.
اغراب هنعيش في بلادنا.
هنتحدف كمان بالطوب
والحجاره.
باعوكي ياغزه من زمان.
وقبضوا معلشي دي تجاره.
فين صلاح الدين يجي.
يتعلم ويعرف معني الشطاره.
لا رجوله لا كرامه لا نخوه.
حاجات ماتكسبش كلها خساره.
محدش يقول فلسطين عربيه.
محدش عنده حتي اماره.
ضحكوا علينا ووقعنا في بعض.
لبسونا العمه وزنقونا في المغاره
ياسر عرفات ايات الدره.
سامحوني قلبي كله مراره.
صب واشرب منك ليه.
لف ولعلي كمان سيجاره.
براحتنا القدس بتاعتنا.
دول اخرهم كلمه ورا ستاره.
ملهاش حد يسال عنها.
واحنا ناسبنا الحكومه ونقلنا السفاره.
صقفوا ياولاد وزغردوا يابنات.
اتفقنا لاول مره وبجداره.
لكي الله
بقلم الشاعر / محمد أحمد مندور
ليست هناك تعليقات:
إرسال تعليق