خفى الدلال
...........
ياساحرة
خفى الدلال
عنى شويه
رمشك يابهية
طرف عينى
خلانى
من كتر الفرح
أبكي
وقلبى طلع
من جوا صدرى
يتنطط
على رقصات
رجلى
رغم سنى
ياساحرة
يوم فرحك
هلت الزغاريد
فى كل بيت
وشارع وغيط
ولبستى
ثوب الفرح
على شط
القناة الجديد
وعريسك جالك
راكب المحروسة
وبتتفرج عليه
مليار عين
لابس ..
التشريفة
والكاب على راسه
يحرسه من العين
وقادة العالم
شاركوا فرحك
ونسور الجو
طارت فى السما
تحيي ..
قائدها الأعلى
ورسمت فى السما
علمك
الساعة اثنين
ياساحرة
اولادك
التفوا فى الشوارع
شباب وبنات
واطفال صغيرين
بإيديهم علمك ..
يرفرف ..و بيحيوكى
وهلت الزغاريد
وعلى طول أرضكً..
ياساحرة
وقف جنودك
بيحرسوا الوطن
من الخاينين
ياساحرة ..
خفى الدلال عنى
ورمش العين
خلونى ..
من كتر الفرح
أبكي ..
بدمع العين
.................
بقلم // جمعه عبد المنعم يونس //
مصر العربية
ليست هناك تعليقات:
إرسال تعليق