نار البعاد
عبدالمنعم عدلى..مصر
بعد غيابك حبيبى
رسمتك حرف
فى كلمة
كلمة فى غنوة
يتغنى بيها العشاق
وموال السهر
فى ليل الأشواق
أناجى فيك قلبى
وشغفى عليك
فى حبى
أمانة عليك
ياسهران الليل
وإنت بتناجى حبيبك
إبعث معاك كلمة
وقول لحبيبى
كلمة فى غنوة
سهرانه وحدى
بالشوق أنعى حظى
مستنياك وأنا بأهواك
وقلبى معاك
تعال وإسمع
غنوة الموال
اللى داب
فيها جبال
والعشق موال
فى غنوة
وأصعب مافيه
نار فى
القلب والعة
تعال حبيبى
وعيش معايا
موال الغنوة
كفايا بعاد
د الهجر نار
ماتنطفئ إلا
بنظرة منك
تعال حبيبى
بقلمى عبدالمنعم عدلى
ليست هناك تعليقات:
إرسال تعليق