زيتونة وبرج حمام
*********
الف حمامة ...عندنا
واقفين هناعلى برج الحمام.
كاشفين خبايا حينا
من مصر إلى كل بلاد الشام.
كتبت الف رسالة
مفيهاشي غير كلمة سلام.
وردة بيضة بالجناح
أنااللي قمت طيرت الحمام.
وزع رسايلي ع البشر
رجع ويديني إشارة بالتمام.
اللي قرا واللى سكت
والى انتظر له .. الف عام.
واللى رد وقال قديمة
لسة فاكر ..إن دا هو الكلام.
واللى قطعها بعزيمة
بكل قسوة .....وبكل انتقام.
واللي قالك...ده بيحلم
غفل عيونه ..واتغطى ونام.
العرب عاشوا وهمهم
غنوة وطرب رقص انسجام.
نسيوا قضية عمرهم
فى الوحدة بعد الانقسام.
غصن الزيتون انحني
على الارض يديها التمام.
ورفع جبينه للسما
ونادي كل أسراب الحمام.
لوح لهم ....أنا خلكم
تعالوا نرجع رموز السلام.
الوحدة بيننا بتتقسم
تهنا كلنا ف وسط الزحام.
القضية مش جديدة
خطة دنيئة اسمها حاخام.
شغلولنا خيوط بليدة
فقر خيبةأو بأزمة... للطعام.
حركونا لوهم فارغ
اسمه تعويذة وسحر ومقام.
أوهمونا بالمصابغ
الف ماسك بألف وش نام.
قسمونا بجد ألف حد
سيفنا خشب قالوا حسام.
كفاية نومة يا ولد
بلدك وطن حر عالى المقام.
أخوك عراقي سوري
ليبى تونسي مصري تمام.
قطري سعودي اردني
جزائري مغربي حر وهمام.
اماراتي بحريني قوي
سوداني فلسطيني بالتئام.
يمني جيبوتي عماني
صومالي موريتاني... الكلام.
يتحدثون لغة القرآن
اللغة العربية فوق الأعلام.
اجتمعوا بسم الإنسان
اكتبوها بجميل بيان الأقلام.
تعالوا بهمة نصنع علم
غصن الزيتون وبرج الحمام.
ياللا ننتزع طعم الألم
علم العروبة لكم وللإسلام.
نؤسس الدولة الكبيرة
مدينة نسميها مدينةالأحلام.
من فلسطين الأسيرة
ننور المدينة بنور خير الأنام.
نرجع النور للأميرة
نعيد للقدس اسم دار السلام.
العربي/محمد ابو سخيل الباشا
ليست هناك تعليقات:
إرسال تعليق