•••مشوااااااار •••
بقلم // أحمد العدل
مشوار طويل في سكتي
والخطوة ميل
فارد جناحي بقوتي
من غير دليل
عديت بحور.. مشيت سنين
فات الكتير.. باقي القليل
ولسه واقف مطرحي
خصام سنيني طال
نوار حياتي سقط
وسألت روحي
كتير
يمكن ألاقي دليل
وأكرر المشوار
وأسرق لحظة أمل
وأوصل إلى النهاية
ألاقيني في
البداية
ليه الكلام.. إحنا بشر
ليه القلوب زي الحجر
أما السكات
آاااه من السكات
خنجر بيفحر في الآهات
وحياتي واقفة متسمرة
ببسمة هادية منورة
يمكن تكون هي الأمل
جايز تكون هي
العمل
إللي ينور دُنيتي
يمكن تكون هي الامان
اللي بيفتح سكتي
جايز تكون هي الحبال
اللي بتخنق شهقتي
يمكن تكون هي الحياة
جايز تكونك هي
القدر
ليست هناك تعليقات:
إرسال تعليق