«««« مساااااافر »»»»
...................
قابلت الحب وعرفته وعشت معاه
ونبض القلب له معني وأنا وياه
وباب الفرحة مفتوح لي
وناداني
بلهفة شوق ونور أبيض منور لي
عشقت النور وأنا جنبه وعاهدته
علي الفرحة علي البسمة اعيش عمري
ياسابح جوه في خيالي طالع
لي منين
يازارع في الحنين وردة بعمر سنين
مشاغل في الغرام فكري وتنهيدي
منور في الوجود عمري وانا خايف
من الحرمان من الفرقة وأنا شايل
علي دراعي علي كتفي مصير قلبي
في لحظة كل شئ
سافر
في لحظة كل شئ هاجر
مسافر والهوي سايبه سايبني لمين
وناسي إن فيه بسمة وخدها معاه
تنور لي طريق عمري وانا سارح
وانا سابح في عمر جديد
ملوش آخر
نهاري ضباب من الوحدة
وليلي سهاد من الفرقة
وعمري شراع فوق مركب
.....بيتهادي علي المية
وربانه معاه
فكري
معاه من عمري
مايكفي
أمانة يامينا يامقابله حبيب العمر
بحنية بصدر براح بعطف الأم
تشيلي من العذاب جانب
تحافظي عليه
حرام العمر مايصدق يلاقي البر
أنا من الصبر بتشكل عجينة شوق
ومستني بعيون خايفه من المجهول
اناجي في الغرام وحدي
باطلالي أعيش عمري
لحدالروح
ما تعود لي
•••••••
••••
••
•
بقلم // أحمد العدل
ليست هناك تعليقات:
إرسال تعليق