جوايا ليك
جوايا ليك احساس بيكبر كل يوم
العين بتنام لكن قلبى عمره ماجاله نوم
لما بشوفك واكلمك بتزيح عنى كل الهموم
ولما بتبعدى عنى بحنلك واحس بعروقى تجرى فيها السموم
من يوم ماعرفتك داويتى فيا كل الجروح
حسيت بمشاعرى واحاسيسى ليكى عايزة تروح
قولت اسافر يمكن انسى بس صورتك فى قلبى مكان مابروح
بغير عليكى من نفسك وعاوز أخبيكى من عيون الأنام
لحد مااشوفك واقابلك واحقق معاكى كل الأحلام
الحب معاكى له طعم تانى عايز كل ماافتكرك اقول ياسلام
ياسلام على حبى وحبك وعد ومكتوبلى احبك
نفسى عمرى يطول وأفضل طول عمرى جانبك
أشيل معاكى هموم الدنيا واخفف عنك همك
ده الحب ده ربنا ال بيكتبه فى قلوبنا مش ذنبى ولا ذنبك
كنت مخبى عليكى من زمان بس دلوقتى لازم اعترفلك
اعترفلك انى بحبك وحبك مولع فى قلبى
كل اما ابص حواليا افتكرك قاعدة جانبى
وانادى عليكى بصوت عالى فينك ياحبى
رديتى عليا وقولتيلى آيه هيا علامات حبك
قولت سرعة دقات قلبى وانا بسلم عليكى
ورعشة ايدى لما تلمس ايديكى
ودمعة العين لما ابص حواليا مش لئيكى
وغيرتى عليكى لما بلاقى الناس حواليكى
ودعائى ليكى كل ليله ان ربنا يبارك فيكى
لو ليا امنيه اتمناها اتمنى إن ربنا يحفظك ويراعيكى
أليس هذا كله حب ..والا آيه رأى معاليكى .
بقلم الشاعر / على عيد
ليست هناك تعليقات:
إرسال تعليق