ما بتحبكش معذورة
معيشها في وهم كبير
مفهمها بأنك انت اسطوره
مخليها عليك بتغير
وطول الوقت مذعورة
عاوزة تعيش زي كتير
حياه حقيقية مش صورة
ما ترفعش يا اخويا راسك
وهي تسيبها مكسورة
تبات مبسوط كده وفرحان
وهي من آلامها معصورة
وتعمل كل اللي نفسك فيه
وكل حاجة بالنسبة لها محظورة
عاوز تحس بكبرياء
وهي تبقي مقهورة
دي بنتك اختك امك
حبيبتك وعادي تبقي مغرورة
معاها يا اخويا كل الحق
ما هي حلوة وغيورة
عاوز تعيش يا اخويا حياة
كلها خير وبالسعادة مغمورة
عامل ربنا دايما في افعالك
هتبقي حياتكوا سهلة ميسورة
من ديواني / حمدينو الشهاوي
ليست هناك تعليقات:
إرسال تعليق