تلاتين سنة
***
تلاتين سنه ف الضنا
مدبوح بأيدك أنا
من كتر أحزاني
***
جبل الشكوك اتبنا
ومنين هيجي الهنا
والمر غطاني
***
يا عقلنا المسحور
سجنوا طاقات النور
مسحوا عنواني
***
جوه أساك مجرور
وبحورهتملى بحور
وياما هنعاني
***
تلاتين سنه وكسور
وإنت العليل مكسور
والعله هداني
***
داير وفين بندور
جوه ف رحاك معصور
لملم لي أحزاني
***
أصرخ وأنا المجبور
أتحط ف المحظور
وف خانة الجاني
***
عاشق ولسه غيور
جوه الهوى مأسور
وإنت اللي كاوياني
***
مليون سؤال أساله
ليها لغلابة اتقلوا
بين ذلي وهواني
خالد موسى السيد
ليست هناك تعليقات:
إرسال تعليق