ياه
انا مش حقدر اكدب
وانكر حبك عنهم
انا وشى بيفضاحنى
مهما ادارى واخبى
والعشق مشحتيفنى
وبقيت واحد تانى
بمشى اكلم نفسى
ويحسوا بجنانى
حبك دوخ قلبى
وتشوفنى تطنيشنى
وكأنك مش شايف
اتقل وامشى براحتك
وححاول من تانى
الفت نظرك ليا
يمكن ترضى عليا
وتقولى بحنيه
محدش دوبنى
غير سحرك يا حبيبى
واجاوبك بخباثه
معقول ينفع يحصل
ملحقناش نتعرف
دنا مش واخد بالى
والأحاديث تتكرر
وانا برقص جوايا
وانا قاعد اتفرج
وحبيبى قدامى
دايب فيا لشوشتوا
وشايفنى بودانه
وانا قاعد بتدلع
فرحان بيه وبدارى
عايز اخده فى حضنى
واقولوا يا غرامى
انا من غيرك سارح
فى العمر اللى ضاع
كنت اتمنى اقابلك
قبل ما عمرى يفوت
وانا شايفك قدامى
جايزه رب الكون
واهى فرصه ومش فايته
بحلف ليك راح اكون
بقلم /شريف عبد المنعم
ليست هناك تعليقات:
إرسال تعليق